Жените, покажуваат истражувањата, изневеруваат поретко отколку мажите, но и на дамите аферите не им се непознати.
Статистиката вели дека секоја четврта жена го изневерила својот сопруг. Незадоволството во врската е најчеста причина, а искушенијата демнат и во други ситуации, велат брачните терапевти.
Јубиларни родендени – Кога вашата драга ќе наполни 30, 35 или 40 години, честитајте и роденден, а себе си посакајте си да ви остане верна. Овие родендени не тераат на преиспитување на животот, па ако жената чувствува дека нешто пропушта, не е исклучено тоа да проба да го надохнади со афера. Бидете внимателни и посветете и внимание во овој период, за да не и падне на памет среќата да ја побара на друго место.
Унапредување и поголема плата – Жените обожаваат проекти и цели. Па така, кога ќе остварат една цел, може да си постават следен предизвик, но овој пат во доменот на љубовните односи. Инаку, истражувањето на Универзитетот во Вашингтон покажало дека со зголемување на платите расте и веројатноста дека ќе го изневерите партнерот.
Заеднички живот – Колку парадоксално и да звучи, почетокот на заеднички живот претставува опасност за врската. Првата причина е што настанува неизвесност и поместувања во рутината, бидејќи цело време сте заедно. Ако во близина на вашата дама се најде некој кој ја смета за возбудлива личност, внимавајте! Исто така, ако таа сака брак и деца, а вие одолговлекувате, не е мала шансата да ве изневери, а можеби и да ве напушти засекогаш.