Драматичниот развод на Џони Деп и Амбер Херд разгори многу дискусии. Откако пред неколку дена со фотографија од модринки го обвини Деп за семејно насилство, 30-годишната актерка сподели со јавноста и нови фотографии од повреди.
Според судските документи, Амбер тврди дека Џони ја нападнал физички и во два други наврати. Новите фотографии ги покажуваат повредите од тие инциденти.
Изминатиов петок Амбер со модринка на десното око се појави на суд каде побара привремена забрана за приближување и под заклетва изјави дека Деп бил вербално и физички насилен во текот на нивната врска.
„Врската на Џони и Амбер отсекогаш беше токсична. Тие имаа многу расправии“ – изјавил нивен близок за списанието People.
Парот беше во брак 15 месеци.
Откако беше објавена веста за семејното насилство, поранешната партнерка на Џони, Ванеса Паради и неговата ќерка Лили-Роуз споделија пораки во кои го опишуваат 52-годишниот актер како нежна личност полна со љубов.