Ели Сааб создаде фантастична ресорт колекција за 2017та

Омилениот на девојките, секогаш романтичниот Ели Сааб создаде фантастична ресорт колекција за 2017 – та година во која се вљубивме на прв поглед.

Овој пат, дизајнерот инспирација побара во Јапонија, чии чисти, геометриски силни линии се провлекуваат низ речиси сите парчиња.

Дел од неговата колекција се совршени плисирани фустани, куси и долги панталони, но и кошули со шик карнери, здолништа од тантела комбинирани со нежни маички и секако, неодоливи палта во кои сакаме да останеме засекогаш!

Големо внимание предизвикаа и стилските и елегантни комбинезони кои дизајнерот овој пат ги создаде во црно – бела варијанта со впечатлив ремен на средината.

Подеднакво прекрасни беа и секси вечерните фустани со светки, женските костими во неодоливи бои, фустаните од тул, како и сите модни додатоци што Сааб ги претстави во рамки на колекцијата.

Дизајнерот особено внимание им посвети и на украсите, што можеме да видиме и преку фасцинантните кожени јакни кои тој ги украси со рачно изработени цветови, како и кожените здолништа изработени со подеднакво внимание.

Што се однесува до палетата на бои, тој започна од нежната бела, преку виолетова, нежна сина, силна портокалова, темно црвена и секако, неизбежната црна.