Познатата пејачка Кеша веќе долго време поминува низ пекол во приватниот живот, а проблемите кои ги има довеле до тоа и родената мајка да не може да ја препознае на улица.
Кеша со месеци на суд се бори против продуцентот Др. Лук со кој сакала да го раскине договорот поради психичко и физичко малтретирање. Таа го обвинила за силување, но судот одлучил дека сепак мора да продолжи да соработува со него.
Во меѓувреме, пејачката почнала да чувствува симптоми на депресија и развила пореметување во исхраната.
„Мојата кариера е на чудно место и повремено се чувствувам како да се борам качувајќи се по планини. Одлучив да го вратам својот живот. Мојата слобода. Мојата среќа. Мојот глас. Мојата вредност. Нема едноставно да бидам тивка и да се кријам“, напиша пејачката на Инстаграм покрај фотографијата на која го покажува средниот прст.
Сепак, не се чини дека на пејачката ѝ е подобро. Фотографиите од пред една година и најновите фотографии покажуваат дека драстично го променила личниот опис.
