Дека судбината пишува романи сведочи и љубовта меѓу камионџијата Марк и секретарката Дона, кои веќе 10 години се во среќен брак.
„Ако ста за добар секс побарајте ја Дона на бројот…“, е пораката која Марк Елис (51) ја пронашол на ѕидот во тоалетот во еден локален паб.
– Бев љубопитен и пратив порака, откри Елис, додавајќи дека сеуште се смее за тоа, иако поминала една деценија од тогаш.
Дона во почетокот била запрепастена од начинот на кој Марк дошол до неа, но набрзо се сретнале и почнале да се забавуваат. Денес имаат две деца, од 8 и 9 години.
Дона вели дека пораката ја примила случајно, а нивните деца и понатаму не знаат како нивните родители се запознале.
Меѓутоа, со оглед на тоа што Дона и Марк се хит на интернет, нивните деца наскоро би можеле да ја дознаат вистината.
Инаку, бројот на Дона во тоалетот го оставил нејзиниот поранешен љубовник. Тој сакал да и наштети, а и ја „наместил“ љубовта на животот!