Порано годинава, фотографката Сандра Хојн отпатувала во Бангладеш, каде што поминала еден месец во и околу борделот Кандапара, фотографирајќи ги неговите жители. Овој бордел е еден од многуте легални проститутски куќи на Бангладеш и е дом на околу 900 секс работнички. Бангладеш е една од малкуте муслимански земји што ја имаат легализирано најстарата професија – доволна причина за фотографката да биде заинтригирана за тоа како живеат жените во борделот.
Вели дека нејзината фотосерија The Longing of Others е микс од уметност и активизам, и е направена со и за луѓето, особено жените што се соочуваат со слични судбини. Работата на проектот не била лесна – имало многу моменти кога ѝ се кршело срцето и не успевала да остане само објективен фоторепортер:
„Фотографирањето на Паки – 15-годишна девојка, со муштерија кој воопшто не ѝ се допаѓаше, беше многу лошо искуство за мене. Се чувствував како да ја злоупотребувам додека ги правев сликите. Но морав да се присилам да го направам, бидејќи немаше да биде реално ако не ја прикажев таа реалност… Нејзиниот муштерија беше само еден од група од пет мажи, секој од нив сакаше да има секс со неа, еден по друг. Тоа беше ужасно“.
^ Ова е Кајол со нејзин муштерија. Вели дека има 17 години, но всушност не ја знае својата вистинска возраст. Мажена била 9 години. Нејзината тетка ја продала во борделот Кандапара. Има 6-месечен син – Мехеди. Присилена била повторно да има секс со муштерии само две недели по породувањето. А по породувањето пак, „бизнисот“ не ѝ оди баш најдобро.
^ Ова е 18-годишната Папија, со двајца клиенти во кревет во борделот Кандапара. Нејзините родители умреле кога била дете, и рано се омажила. Таа и нејзиниот сопруг користеле хероин, а Папија завршила во затвор. Вели дека затворот е најдоброто место каде што некогаш била, бидејќи таму никој не ја тепал. Во затворот ја запознала и жената што подоцна ќе ја донесе во борделот.
Кандапара во Тангаил е најстариот и вториот најголем. Постои околу 200 години. Во јули 2014 беше нападнат и демолиран од поголема група вооружени мажи, поддржана од локалната влада. Беше одново воспоставен со помош на локалните невладини организации. Сега таму живеат повеќе од 700 проститутки, заедно со своите деца и со нивните „мадами“. Иако жените во Кандапара имаат избор да го напуштат, барем на хартија, ретко се одлучуваат за тоа. Зад ѕидовите на борделот се чувствуваат многу побезбедни отколку надвор пред презривиот поглед на општеството.
^ Жени чекаат муштерии пред Кандапара во Тангаил.
^ Прија – 19 години, живее со својот пријател – машка проститутка во борделот. Прија е таму од 17 години.
^ Дипа – 26 години, плаче зошто е втор месец трудна од непознат муштерија во борделот.
^ Употребени кондоми пред капијата на Кандапара.
^ Близначиња стари пет дена. Уште немаат име. Мајката е една од проститутките – 20-годишната Џиник.
^ Паки – 15 години, и Мим – 19 години. Двете работат во борделот.
^ Муштерија пробува да ја бакне Прија.
^ 19-годишната Мим се капе под импровизиран туш.