Повеќе позитивни емоции, витаминска храна и редовна секс терапија се оние работи кои го засилуваат имунитетот. Имунитетот е систем од заштитни реакции чија што основна цел е да ја запази хомеостазата и генетската целост на организмот, независно од промените во околната средина. Колку често и колку тешко боледуваме зависи пред се од имуната заштита, а не од лекарствата кои ги употребуваме за да се излечиме. Имунитетот страда најмногу од наднормална телесна тежина, алкохолизам, наркоманија, исхрана сиромашна на протеини, минерали ( железо, цинк, селен ) и витамини (А, Ц, Е, Б6, Б9 ), стресот и др. Тука не ги вклучуваме тешките болести на имуниот систем кои бараат специална терапија и режим на живот. Но вистина е дека колку внимание вие ќе посветите на своето здравје, толку и ќе ве служи.