Пролетта е веке тука, што значи дека времето за нови авантури се наближува! Секој патник сака да осмисли сопствена патека.
Некој сака да го види архитектонското чудо на Гауди додека друг сонува да го посети кафулето каде е снимен францускиот филм за Амелија Пулен. Секој патник има сопствени уникатни планови исто како што и секој град има сопствена и уникатна атмосфера и шарм.
Но без оглед на сè, постојат неколку места на светот во кои сите ќе се вљубат. Тоа се најубавите улици на светот низ кои морате да ги обележите на картата доколку сакате незаборавен одмор:
Медина во Шавен (Мароко)
Овој живописен град е сместен во северниот дел на Мароко. Понекогаш Шавен изгледа светло син, а понекогаш темно син па дури и виолетов. Еврејските бегалци кои пристигале во Мароко во 1930-та година се одговорни за овие рајски бои.
Вратите, прозорците и ѕидовите во стариот град се обоени сино, што е света боја за Евреите. Таа за нив е потсетник на небото и на Бога. Иако бројот на Евреи значително се намалил низ времето, локалните жители сè уште ги бојат куќите во сино како традиција, особено за нивните големи фестивали.
Улицата на лебдечките чадори во Агуеда (Португалија)
Овие прекрасни чадори за првпат се појавиле во Агуеда во 2012-та година. Секоја година, десетици нови чадори се поставуваат. Овие декорации со светли бои исто така служат како одлична заштита од сонцето. Локалните жители се шегуваат дека Мери Попинс живееле во нивниот град.
Улицата-тепих во Ла Оротава (Тенерифе)
Секој јуни, во пресрет на празникот Корпус Кристи, огромен тепих се распостила пред градската сала во Ла Оротава. Тој се состои од необични слики кои се изработени од вулкански песок.
Песокот се ископува од кратерот на вулканот Теиде сместен на еден од Канарските Острови. Десет луѓе поминуваат 40 дена во изработката на една ваква слика користејќи 23 нијанси на песок. Во 2006-та година тие изработиле тепих од 950 м2 кој беше прогласен за Гинисов рекорд.
Вила де Грација во Барселона (Шпанија)
Во Август, улиците на Барселона се претвораат во шарен карневал за време на Големата забава на Грација. За време на овој фестивал, улиците се натпреваруваат меѓу себе која ќе биде најоригинална и најколоритна. Локалните жители ги декорираат сопствените делови од улиците со рециклирани материјали, а секоја улица има специфична тема.
Стариот град на Лијианг (Кина)
Лијианг е поделен на два дела: стар град, локација заштитена како светско наследство на УНЕСКО и новиот дел на градот. Локалните жители велат дека градот постои благодарение на водата, а водата постои благодарение на градот.
Реката Јангце се состои од три ракави кои поминуваат низ целиот град. Има голем број на мали мостови, тесни улици и прекрасни канали. Оваа историска област ја истакнува хармонијата меѓу луѓето и природата.
Алберобело во Апулија (Италија)
Овој град е познат по неговите бели Трули куќи со заоблени покриви. Ваквиот вид на градба можете да го видите само овде, и на ниту едно друго место на светот.
Посебноста на градбата лежи во наредените камења. доколку тргнете еден, куќата за кратко време ќе се претвори во куп камења. Локалните жители понекогаш го правеле ова и намерно со цел избегнување на плаќањето даноци. Иако Трули куќите изгледаат слично тие се поделени на машки (со купола) и женски (без купола) групи.
Улицата Ломбард во Сан Франциско (САД)
Оваа улица е задолжително место за посета за сите туристи во Сан Франциско. Граѓаните се горди што можат да ја наречат улицата со најмногу кривини во светот. За да го намалат аголот на накосување, архитектите создале осум остри кривини. Дозволената брзина на оваа улица е 5 километри на час.
