Во последно време во мода се долгите фустани кои можат да се носат и преку ден, и навечер. На љубовен состанок, во ноќен клуб или на прошетка со пријателките – овие фустани се одличен избор кој не бара големо внимание, а дефинитивно остава впечаток. Сепак, постојат неколку правила кои треба да ги знаете доколку сакате да носите ваков фустан.
Долг фустан и штикли
Доколку направите ваква комбинација ќе изгледате неверојатно женствено и секси, а и повисоко затоа што долгите фустани ги издолжуваат нозете и ги покриваат штиклите.
Асиметричен фустан
Доколку не сакате целосно да ги сокриете нозете, асиметричните фустани се одлично решение. Предниот дел на фустанот е краток, а задниот долг, со што вашите нозе ќе можат да се видат. Одлично прилега на секаква конструкција на тело, а истовремено изгледа многу оригинално.
Долг фустан со принт
Светлите и привлечни принтови можат да ја оживеат која било комбинација. Тие инстантно создаваат неверојатен изглед и уникатен стил. На ваков фустан со шарен принт би одговарале различни модни додатоци како шешир.
Долг фустан со кожна јакна
Сакате единствена и храбра комбинација? Пробајте да додадете кожна јакна на долгиот фустан. Покрај тоа, со кожните јакни одлично одговара и силна шминка – туш, темна сенка и темен кармин. Без сомнение ќе бидете (рок) ѕвездата на вечерта!
Долг фустан со ремен
Долгиот фустан со ремен ќе ги потенцира вашите колкови и половина. Доколку сакате да го избегнете ова, изберете долг фустан со висок шлиц кој ќе ги истакне вашите нозе.
Долг фустан со текас јакничка
Тексас јакничката е одличен додаток за долг фустан доколку времето е поладно. Оваа комбинација ќе направи да изгледате свежо и помладо. Бојата на тексасот е неутрална и одговара со секаков тен. Нема да погрешите!
Долг фустан со патики
Многу луѓе сè уште мислат дека ваквата комбинација е чудна и веруваат дека патики треба да се носат само со спортски комбинации, а не со фустан или сукња. Но, правилата во модата се менуваат. Во денешно време ваква комбинација на патики со фустан стана секојдневие. Совршена за жените кои не се љубители на високи потпетици.
