Си живеел еднаш еден брачен пар кој имал дванаесетгодишен син и едно магаре.
Одлучиле да заминат на патување, да работат и да го запознаат светот, и така кренале на пат.
Кога дошле во првото село, луѓето коментирале:
„Погледнете го ова невоспитано момче. Тоа седи на магарето додека неговите кутри родители го влечат.“
Тогаш жената рекла на својот маж: „Нема да дозволиме луѓето да зборуваат лошо за нашиот син.“ Мажот го симнал детето од магарето и седнал на него.
Кога дошле во друго село, луѓето мрмореле:
„Погледнете го ова, нека се засрами човекот што допушта неговата жена и неговото дете да го влечат магарето додека тој седи.“ Тогаш одлучиле дека жената ќе седи на магарето, а мажот и детето да ги држат уздите.
Така тие пристигнале и во трето село каде што луѓето повторно коментирале: „Кутар човек! Цел ден работел, а неговата жена седнала на магарето. И кутро дете. Којзнае што уште го чека со таква мајка.“ После ова одлучиле сите тројца да се качат на магарето и продолжиле да патуваат.
Кога дошле во следното село, слушнале како луѓето коментираат дека грбот на сиротото магаре ќе пукне од преголема тежина. И тогаш сите тројца одлучиле да се симнат и да пешачат. Кога поминувале низ следно село, не можеле да поверуваат на коментарите од луѓето кои им се смееле: „Видете ги овие три будали.. пешачат, а имаат магаре кое што може да ги носи. Зар не би било нормално еден да поштедите од пешачење, а само двајца да пешачат.“
Тогаш синот и таткото му ги заврзале нозете на магарето и заедно го понеле да го носат.
Тие пешачеле, а магарето го носеле…
Секогаш ќе те критикуваат и ќе зборуваат лошо за тебе што и да направиш. Тешко е да им удоволиш на сите, а и тешко е да пронајдеш личност на којашто ќе ѝ бидеш добар таков каков што си. Пушти ги луѓето нека зборуваат.. Пеј, смеј се, танцувај, љуби и уживај во секој момент во својот живот.
❝Ако на својот пат до целта застануваш за да го маваш со камен секое куче што ќе залае на тебе, никогаш нема да стигнеш до целта.❞