Луксузниот ресорт “Серенгети” во Националниот парк на Танзанија, ќе ви даде несекојдневен, сосема специфичен одмор, полн со авантури…
Добредојдовте на аеродромот „Seronera“, персоналот од хотелот ќе ви посака со приватно сафари, кој за 45 минути ќе во однесе до убавото одморалиште “Серенгети”. Комплексот поседува 77 апартмани и соби, кои се олицетворение на комплетен комфор и луксуз. Внатрешниот дизајн е изработен во егзотичен стил. Стаклените ѕидови, кои овозможуваат прекрасно будење со природна светлина и поглед на раскошната убавина на Националниот парк, супер удобен кревет со балдахин, неколку егзотични декорации со карактеристични детали од речиси сите региони во светот, ќе го направат вашиот одмор навистина прекрасен.
Се разбира, лудо би било да престојувате во овој дел од Африка, а да не ги искусите бројните авантури кои тука се на дофат на рака, како што се сафари, обиколка на неверојатната природна убавина, скокање со падобран, неизбежно возбудливо возење со балон…Хотелскиот персонал ви стои на располагање 24 часа на ден, па можете и самите да си го креирате својот пат, односно истражувањето на околните места. Тие сигурно ќе ви излезат во пресрет со своите возила прилагодени на теренот, како и искусен водич.
По возбудливиот ден, на барот покрај базенот послужен е лесен оброк, кој со заогањето на сонцето ќе ви ја врати енергијата. Во текот на ноќта ве очекува музика, каде со коктел можете со останатите гости да го организирате утрешниот ден. Во текот на размената на впечатоците од стекнатото искуство од оваа раскошна област, можете да се послужите со вечера, кој се подготвува веднаш пред вас.
