Едно лице било уапсено поради сомнеж за киднапирање на Лана Дел Реј. Guardian објави дека при апсењето лицето било вооружено.
За среќа, полицијата добила дојава за постоење на можност за киднапирање на познатата пејачка, по што веднаш реагирала и го затекнала четириесет и три годишниот Мајкл Хант во близина на центарот Амвеј во Орландо пред планираниот концерт на Дел Реј.
Во соопштението, полицискиот оддел на Орландо истакнал дека за време на неговото апсење тој во себе имал карти за концертот и нож.
Хант никогаш не стапил во контакт со Лана Дел Реј, а сега е во притвор во затворот кој се наоѓа во округот Оринџ.
Пред неговото апсење, имал напишано сомнителни статуси на социјалните мрежи кои дополнително и укажале на полицијата дека постојат шанси за киднапирање на пејачката.
Хант често го користел својот Facebook профил за да ја истакне својата опсесија со неа.
-Сакам да ја видам мојата кралица во петок и од тој ден нашите одлуки ќе бидат како една, напишал тој на својот профил на 30-ти јануари.