Пипа Мидлтон, помладата сестра на Војвотката на Кембриџ – Кејт, е бремена со своето прво дете, вели „Сан“, цитиран од Ројтерс.
Триесет и четиригодишната Пипа Мидлтон стана популарна кога таа беше избрана за кума на свадбата на својата сестра со принцот Вилијам во 2011 година.
Бебето на Мидлтон и нејзиниот сопруг, финансиерот Џејмс Метјуз, се очекува во октомври.
Кејт Мидлтон пак се очекува овој месец да го роди своето трето дете, потсетува весникот.
