Славниот холивудски глумец Џорџ Клуни вчера наутро, возејќи се на мотор, се судрил со автомобил на островот Сардинија.
Клуни бил веднаш пренесен во болница и за сега не е познато колку се тешки неговите повреди, иако некои извори тврдат дека не е ништо сериозно.
На фотографијата од местото на несреќата може да се види скршеното предно стакло на автомобилиот. Наводно, автомобилиот нагло го сменил правецот по што удрил директно во моторот кој го возел глумецот.
Клуни во моментов на Срдинија снима серија, а со него е и сопругата Амал, како и нивните близнаци Ела и Александер.