Секоја жена сака максимално да го искористи секое парче облека и да го носи што е можно подолго.
Долгите марами за на плажа се едно од парчињата облека кои можат да се носат на толку многу различни начини и да се создадат навистина интересни и забавни изгледи.
1. Како долг фустан
Завиткајте ја марамата, така што 2 од 4-те краеви ќе ги врзете на грбот. Вака ќе добиете едноставен долг фустан кој е совршен за на плажа, а дури и за на ручек.
2. Асиметричен фустан со ремен
За да создадете интересна силуета, 2-та краја од фустанот врзете ги само на едната страна од грбот. Додадете ремен за да создадете баланс и интересен пар високи потпетици или сандали, во зависност од приликата.
3. Фустан без прерамки
Покажете ги рамениците, а марамата нека се вее. Завиткајте го парчето ткаенина околу телото и врзете ја странично, така што ќе создадете шлиц на едната нога. За секојдневен изглед, носете го фустанот со фармерки, а за трансформација од денска во ноќна комбинација, соблечете ги фармерките и додадете пар заводливи салонки со ремчиња.
4. Кимоно
Ако сакате да ја разиграте обичната блуза, тогаш носете кимоно. Спојте два од дијагоналните краеви од марамата и врзете ги. Овој изглед е совршен за со шорцеви бидејќи ве прави повисоки и повитки.
5. Блуза
Совршено за вечерен состанок. Во комбинација со омилените фармерки, здолниште во А-линија и секси потпетици ќе изгледате навистина заводнички. Врзете ја марамата околу телото исто како што би врзувале крпа по капење.
Наместо да ја врзете марамата низ целото тело, фатете ги првите два краја и врзете панделка околу рамото. Потоа, фатете ги вторите два краја и врзете ги околу половината.
6. Блуза без рамки
Овој тип на парче облека е задолжително за сите девојки во текот на летните месеци. Свиткајте ја марамата на пола и потоа врзете ја или напред или одзади – во зависност од тоа дали сакате панделката да биде напред или назад.
Ако не ви се допаѓа идејата да покажувате толку мнгоу кожа, додадете јакна – кожна јакна до половината е добар пример.
7. Марама наместо ланче
Не можете да го најдете совршеното ланче? Без грижа! Врзете ја марамата околу вратот, а за екстра сексапил, панделката нека биде напред.
8. Како обична марама врзана околу врат
Уште еден начин како да ја носите летната марама за на плажа е да ја врзете на вратот, така што подолгите краеви ќе висат.
9. Како чанта
Ултра шик додаток е летната марама во форма на чанта. Свиткајте ја марамата на пола, додадете ги работите што сакате да ги ставите внатре и врзете панделка. За да ја персонализирате, може да додадете кожна рачка или брош.
10. Ремен
Ако не можете да најдете ремен, може да ја искористите вашата омилена летна марама. Ова е одличен начин да додадете малку боја на она што вообичаено би била обична комбинација.
11. Кратко здолниште
Ако живеете во топол град, ваквото лесно здолниште ќе ви стане најдобар пријател. Совршена за дневни прошетки и вечерни излегувања, може да изгледа елегантно со пар високи потпетици и свилена блуза или формално со бела кошула и салонки. Сѐ што треба да направите е да ја завиткате марамата околу половината и да ја заврзете.
12. Макси здолниште
За изглед кој е совршен за на плажа, оставете здолништето да се влече. Интересен шешир со широк обод и големи очила се задолжителни.
13. Венче за на глава
Совршено за деновите кога не ви се допаѓа изгледот на косата, а и времето не е баш на ваша страна. Плус, марамата за на глава е одличен начин да додадете малку боја и многу стил на вашата обична комбинацјиа. За да „направите“ венче за на глава, само треба да ја завиткате марамата околу средината на главата и да ги скриете краевите.
14. Марама за на глава
Без разлика на годината, 70-те се секогаш модерни. Завиткајте ја марамата околу целата глава и врзете ја во задниот дел. Овој изглед ќе ја разигра обичната комбинација на бела маичка и фармерки.
15. Турбан
За оние денови кога е премногу жешко, завиткајте ја косата во пунџа и искористете ја марамата за да ја сокриете, и секако врзете убава панделка во предниот дел.
16. Стилски завој
Ако раката ви е во гипс, сепак може да изгледате модерно, а дури и забавно. Убавото нешто е што може да менувате различни марами секој ден. Не мора да значи дека ако се повредивте дека треба да изгледате здодевно. Баш напротив.
