Животот е премногу краток за да се задоволиме со здодевни работи. Една од нив е маникирот.
Ако нијансата на лак која моментално ја имате на ноктите сте ја носеле премногу пати, можеби е време за промена, а има ли подобро време за промена од почетокот на новата година?
Доколку барате промена кога станува збор за маникир, опција со која дефинитивно нема да погрешите во 2020. година е француски маникир, класика што се враќа на голема врата. Некои сигурно ќе речат дека францускиот маникир никогаш не излегол од мода, но сигурно е дека во последните години не беше толку популарен како 90-тите и раните 2000-ти.
Ако сте меѓу оние кои едвај чекаат повторно да носат француски маникир, добро е да знаете дека, покрај добро позната класична опција, која вклучува нежни лакови и бел раб на ноктите, овој класик има цела низа нови, модерни варијанти кои ќе бидат популарни во наредната година. На своите нокти можете да ја носите целата палета на бои, додека традиционалните бели рабови можете да ги замените со потемни нијанси.