Харви Вајнстин (67), кој во текот на три децении во филмскиот свет злоставувал голем број на актерки, вчера ја слушна својата пресуда – 23 години затвор – 20 години за присилување на неговата поранешена асистентка за орален секс, три години за силување на актерката Џесика Ман.
– Дали чувствувам каење и тага? Да, жал ми е за сите мажи што поминуваат низ ова – рече тој, на изненадување на сите присутни.
Откако пред две недели беше прогласен за виновен, продуцентот остана без свест во судницата, предизвикувајќи низа скандали за време судењето – ‘рчеше додека зборуваа луѓето, внесе мобилни телефони итн.
Кога од Вајнстин побараа да им се извини на своите жртви, тој рече дека сака да им се извини на своите поранешни сопруги што ги изневерувал, но не и да им се извини на жртвите.
Со оглед на тоа што тој е продуцент со лошо здравје и во години, неговите адвокати побараа казната да не биде повеќе од пет години, бидејќи секоја е подолга е „смртна казна“.