- Коронавирусот, односно мерките за забавување на ширењето, го сменија нашиот начин на живот
- Се разбира, се промени и нашиот сексуален живот
- Некои парови одлучија да разговараат повеќе за тоа на Интернет
Приказни на 5 парови: „Еве како короната го смени нашиот сексуален живот!”
- Социјалното растојание може да значи многу: за оние кои се соло тоа е физичка изолација, за паровите близина, за родителите мултитаскинг, а за луѓе во врска на далечина – копнеж – ова е предизвик за сите. Како тоа влијае на сексуалниот живот се обиде да открие еден британски портал – таму луѓето за различни ситуации пишуваа за своите искуства. За вас издвоивме пет интересни признанија …
- Топло време за двајца „Се забавуваме многу. Како некој да нè „заклучил заедно“ за да ја зајакнеме нашата меѓусебна привлечност. Имаме секс почесто – и многу поинтензивен! Спиеме во различни простории за да имаме мала промена. Понекогаш имаме орален секс на тепих во дневната соба затоа што – па зошто да не? Плус, конечно имавме секс под туш, нешто што порано не сме го правеле – и покрај тоа што живееме заедно веќе две години. Оваа криза се чини дека нè потсети колку е важно задоволството “. (Вики, 30)
- Привремена врска на далечина „За жал, социјалната далечина ми го уништи сексуалниот живот. Мојот дечко живее во Лондон (а јас сум во предградието) и во моментов е во изолација. Не знам кога ќе можам повторно да го видам – дали ќе поминат неколку недели или месеци? Плус, јас живеам во куќа со целото семејство, така што не можам да го користам мојот вибратор без никој да забележи. “(Лора, 35)
- Недостаток на приватност „Во моментов немаме никаков сексуален живот затоа што нашата 22-годишна ќерка се пресели кај нас и ќе остане онолку долго колку што ќе трае оваа криза. Среќен сум што е тука, но сега не можам да ги исполнам некои од моите потреби. Размислувам да и подарам некои добри слушалки за да не го слуша секој шум во куќава. “(Дејвид, 48)
- Одвоени во карантин „Нашиот сексуален живот од здрав секс неколку пати неделно се намали на нездрава нула. Јас сум во карантин затоа што припаѓам на ризичната група, а тој мора да остане дома со своите родители. Во изминатите две години не сме биле разделени повеќе од девет дена – така што ова сега ни е комично. Иако, би можеле да имаме секс, но јас живеам во куќа со моите родители, така што е малку тешко за мене. Претпоставувам дека кога ова ќе помине, ќе имаме повеќе секс, но во моментот ми недостасува едноставно да бидеме еден покрај друг и да се гушкаме “. (Ема, 27)
- Време да се планира потомство „Ние се обидувавме да добиеме бебе и пред коронавирусот, но немавме доволно секс. Бидејќи сме изолирани заедно, можеме да одиме во кревет порано и да поминеме квалитетно време заедно. Инаку, ние сме уморни од постојаното патување и доцното пристигнување дома, а да имате петминутен мисионерски секс на секои две недели и не е многу задоволувачко. Моменталната состојба ги смени нашите приоритети, така што сега можеме да имаме „правилен“ секс – кога станува збор за тајмингот и зачнувањето, но и задоволство. Ние сме се што имаме и сега се потсетивме зошто толку многу се сакаме. Покрај тоа, заклучивме дека на овој начин можеме да заспиеме подобро. “(Роберт, 31).