Секој пат кога ќе направите грешка и ќе помислите колку е сè лошо и како никогаш не ништо можете да научите, сетете се на ова. Грешките всушност се одлична работа!
За перфекционистите, вакво нешто е невозможно да се замисли. Сепак, факт е дека колку и да се трудите, невозможно е да се помине низ животот без да се прават грешки. Никој не е совршен за да знае како да се справи со сите ситуации. Кога и се случи тоа, грешиме. Можеби звучи страшно во тој момент, можеби мислите дека сте глупави затоа што правите такви грешки … но не грижете се. Грешките се всушност одлична работа. Од нив можете да научите многу, и еве ги сите 7 причини поради кои треба „редовно“ да грешиме.
1.Учите да бидете приземни
Сите посакуваме да не се справаме со грешки и сè да функционира непречено во нашите животи, но тоа не би било добро за вас. Би било премногу лесно и едноставно. Грешките нè учат да не бидеме полни со себеси и арогантни, туку да бидеме приземни, затоа што како никој друг, така и ние не сме совршени.
2. Ја зголемува креативноста
Кога би успевало сè од прв пат, немаше да мора да наоѓате други решенија и да смислувате други начини за да решите нешто. Некои од најдобрите изуми настанале така што некој погрешил и морал да најде друг начин за да го реши проблемот. Кога грешите, наместо да се откажете, пронајдете нов начин.
3.Ве поттикнува на промена
Само затоа што нешто било добро решение кога имавте 15 години, не значи дека ќе бидете добро и кога имате 20 години. Додека растете, ќе видите дека мора да го менувате пристапот кон одредени области од животот и проблемите. Грешките ќе ви покажат дека е време да се промените, затоа што ако се соочувате со толку многу грешки, време е да промените нешто.
4. Учите аналитички вештини
Кога грешите, тоа е можност да ја анализирате добро целата ситуација во која се наоѓате. И покрај тоа што можеби сте направиле нешто како што треба, не сте го правиле најдобро што можете и сте згрешиле. Со анализање на сопственото однесување, ќе научите како подобро да ги постигнете своите цели. Аналитичките вештини се од суштинско значење за успехот, тие не се предаваат на училиште и тоа е вештина која се состои од визуелизација, критичко размислување и можност за собирање и обработка на информации. Со секоја грешка што ќе ја направите, меѓу другото, ќе научите и нешто ново.
5. Ќе прифаќате шега на своја сметка
Не е страшно кога ќе правите грешка за која другите нема да дознаат или нема да ја видат, но кога ќе ја направите пред сите … Наместо да се срамите кога ќе згрешите, свртете ја на шега и насмејте се на ваша сметка. Другите ќе се насмеат исто така, и никој нема да размислува за вашата глупава грешка. Кога ќе научите да се смеете на своја сметка, грешките во јавноста повеќе нема да изгледаат толку ужасни или срамни. Вака ја подигнувате вашата самодоверба.
6. Растете како личност
Низ животот ќе пораснете како личност благодарение на грешките што ги правите, а тоа е составен дел од животот. Грешките ќе ве охрабрат да пробате нешто ново, да престанете да ги правите истите работи одново и одново и да станете подобра личност на крајот. Не е забавно да се прават грешки, но добро е чувството кога на крајот ќе ги видите резултатите и ќе научите како да не го сторите истото следниот пат.
7. Учите да простувате
Не толку на другите, колку на себе. Самите на себе сме си најдобри критичари и кога ќе сториме нешто лошо, ќе размислуваме за тоа со денови. Грешките не се причина да се чувствувате лошо од ден на ден. Тие се можност да научите да станете подобра личност. Но, за да научите и да прераснете во подобра личност, исто така мора да научите како да си простите и да ја надминете таа грешка.