Жените кои во моментот се во карантин започнаа нов интернет предизвик под хаштагот #nohairwashchallenge, што наложува косата да не се мие со денови. „Резултатите“ ги споделуваат со другите на Интернет, пренесува „The Sun“.
И додека некои дами не можат да замислат ден без одржување хигиена, трендот на прифаќање на природниот изглед зема замав.
Толку многу припадници на поубавиот пол не ја мијат косата со денови, тврдејќи дека „шампонот и балсамот можат да ја оштетат косата затоа што ја отстрануваат природната маст од косата“. Некои фанови на овој предизвик сметаат дека косата е сама се чисти.
Многумина во своите натписи откриле дека наместо шампон користат јаболков оцет, прават пилинг за коса со сол, а некои истураат малку топла вода на темите, масирајќи го скалпот со врвовите на прстите, а потоа ја мијат со ладна вода за да се затворат порите на главата.