Една од најпопуларните пејачки на денешницата, 29-годишната британка со албанско потекло Рита Ора ги воодушеви своите следбеници на Инстаграм профилот кога објави фотографија на која позира во маица под која не носи градник.
Маицата е прилично транспарентна ткаенина, па Рита се погрижи да ги скрие нејзините видливи брадавици со ситни емотикони во форма на цвет. Изминативе денови Рита се фали за својата сензационална фигура, која ја одржува во изолација со редовно вежбање.
Познатата пејачка неодамна ги налути жителите на еден мал град, 150 километри оддалечен од Лондон, во која изнајми куќа за да избега што е можно повеќе од Лондон, каде и живее, поради пандемија на коронавирус. Притоа, таа со себе донесе неколку соработници и пријатели да работат на снимањето на новиот албум, а тоа на жителите не им одговараше, затоа што тврдеа дека пејачката организирала и забави на имотот, со што ги загрозува.
Откако предизвика бес со ваквото однесување, нејзината блиска пријателка, која сакаше да остане анонимна, се обиде да го оправда ваквото однесување и негираше дека се организирале било какви забави.