Научници од Европската Јужна Опсерваторија успеале да го снимаат самиот почеток на раѓањето на еден ѕвезден систем.
Астрономите околу ѕвездата “AB-Aurige” забележале спирална структура чиј вител укажува дека на тоа место можеби се формира планета, објавено е на страната на опсерваторијата.
Таа ѕвезда е оддалечена 520 светлосни години од Земјата и се наоѓа во соѕвездие под името Auriga, што во превод значи Кочијаш.
– Досега се идентификувани илјадници егзопланети, но многу малку се знае за нивното формирање. Мораме да ги набљудуваме многу малите ѕвездени системи за да го откриеме моментот на раѓање на планетите- рекол Антони Бокалети кој ја предводел оваа студија.