На што би се радувале тогаш?
Далај Лама напишал во својата книга „Уметноста на постигнување среќа“ дека мора да научиме да го сакаме она што го имаме и да се помириме со она што го немаме за да најдеме стабилност и среќа.Среќата е многу широк термин.Некои ќе бидат пресреќни дури и за најмалите детали, додека други секогаш ќе бараат причина зошто не треба да бидат среќни.За некои, среќата е пари, за други љубов, за болните е здравјето, но она што е заедничко за сите се хемиските реакции кои во моментите на среќа се случуваат во организмот.Сепак, она што не е во ред, тврдат психолозите, е размислувањето на современите луѓе и нивната идеја за „правото на среќа“. Така, среќата станува врвен идеал, а желбата е да се биде среќен цело време. Позитивната психологија, поле настанато пред околу 25 години, честопати било „обвинувано“ за овековечување на митот дека да се биде среќен е сè што е потребно за да се живее добар живот. Но, „позитивното“ не ги прави сите среќни.
За да функционираме оптимално во нашите животи, не е одлична идејата да се радуваме цело време поради две многу добри причини:
1. Среќата и смислата не се едно исто
Застанете за еден момент и размислете какви искуства, активности и врски го прават вашиот живот вреден за живеење. Ако сте како повеќето луѓе, вашите одговори ќе спаѓаат во две општи категории, кои психолозите ги нарекуваат „хедонистички“ и „еудаимонистички“.Првата се однесува на задоволствата – одлична храна, секс,сон и сл., додека втората категорија го вклучува она што е поврзано со личната смисла и цел (живеење во согласност со нашите вредности, завршување на важен животен проект или правење промена на светот на некој начин).Причината зошто оваа разлика е важна е тоа што понекогаш работите што ни се најважни не ни се пријатни, без разлика дали зборуваме за напорна работа, одржување ветувања дури и кога е тешко, признавајќи ја вистината кога правиме грешки или збогување со некој што го сакаме.Од друга страна, многу пријатни искуства навистина немаат смисла, како што се прејадување, останување будни цела ноќ гледајќи ја најновата серија – што нè прави уморни и дебели отколку да се радосни.
2. Негативните емоции можат да го направат животот подобар
Иако повеќето од нас можеби сакаат да се чувствуваат среќни цело време, истражувањата покажуваат дека негативните чувства, иако се непријатни, понекогаш можат да бидат добри за нас. Анксиозноста и стравот можат да нè заштитат од потенцијални закани. Вината може да нè мотивира да се промениме кога правиме нешто погрешно, дозволувајќи ни да ги зачуваме нашите најзначајни односи.Дури и гневот може да биде корисен. Се разбира, постои разлика помеѓу чувството на гнев и насилното однесување. Исто така, постои голема разлика помеѓу искуството на негативни емоции во здрави количини и дозволување тие да владеат со нас. На крајот, без негативни емоции и состојби, како воопшто би можеле да цениме убавите и со што би можеле да ги споредиме?
