Британското кралско семејство со децении се води по едно едноставно мото кога се работи за озборувања и медиуми: никогаш не објаснувај и приговарај.
Но како поминува времето, обичаите се менуваат. Сѐ почна со принцезата Дијана која со години ја трпела тиранијата на тогашните таблоиди. Тоа „наследство“ го пренела на своите синови и нивните сопруги, кои како што стојат работите, веќе нема да трпат било што да се пишува за нив.
Па така, Кејт Мидлтон, сопругата на принцот Вилијам, ја изненади јавноста кога реагираше на некои објави на медиумите. Што е најчудно, тие објави беа за Меган Маркл, со која како што се пишува, Кејт нема најдобри односи. Изгледа дека таа сака да ја исправи оваа слика и да застане на нејзина страна.
Најкритикуваниот период за кралското семејство беше кога Меган Маркл се омажи за принцот Хари. Деноноќно беа на ударот на медиумите кои ја критикуваа за сѐ што може – од тоа дека го искористува кралското богатство, до тоа дека е лоша мајка на Арчи, дури некои критики беа и на расна основа.
Кејт одлучи дека е време да изјави нешто за тоа, а дури најави и тужба против некои таблоиди, наведува порталот Gossip Cop.
Кејт го прекрши кралскиот протокол и преку нејзиниот портпарол одговори на некои од озборувањата:
- „Написите содржат безброј неточни информации и искривени слики.“ – порачува таа. Исто така, војвотката нагласува дека ќе преземе правни мерки за да спречи такви приказни повторно да се појават.
Овој настан е изненадување за британската јавност која веќе со месеци чита како војвотките се скарани меѓу себе и како Кејт им замерува на парот што ги оставиле своите кралски обврски и избегале во Америка.
