Жената на познатиот холивудски актер Арнолд Шварценегер и официјално ги поднесе документите за развод.
Марија Шривер и поранешниот гувернер на Калифорнија се разделија во мај оваа година откако во јавноста излегоа информации дека Шварценегер има вонбрачно дете со куќната помошничка.
Шварценегер и Шривер, поранешна новинарка, имаат четири деца, а познато е дека Шривер побарала заедничко старателство врз двата малолетни синови.
Детали околу предбрачниот договор на двојката не се познати, но аналитичарите сметаат дека Шривер ќе добие половина од парите кои актерот ги заработил од 1986 година. Според некои проценки, Шривер ќе добие околу 200 милиони долари, што сигурно ќе претставува еден од најскапите холивудски разводи во историјата.