Британското кралско семејство е познато во јавноста по многу тајни, интриги и скандали. Сепак, двојката што најмалку се поврзува со овие идеи се Вилијам и Кејт Мидлтон. Тие се дел од семејството кое секогаш се чувало настрана на некој начин, поради што многумина се заљубиле во нив. Но, принцот сега одлучи да и открие на јавноста една мала тајна, која веќе некое време ја крие од поддржувачите на ова семејство. Имено, тој откри дека за време на карантинот работел анонимно на телефонска линија и им помагал на луѓето кои чувствувале ментални проблеми со совети.
Патем, Вилијам е познат по тоа што многу често зборува за менталното здравје. Тој, исто така, неодамна зборуваше за неговата борба со анксиозноста. Бидејќи тој знае како е кога имате вакви проблеми, на линијата Shout 85258, тој се обиде да им помогне на оние што бараа помош. Вилијам откри како одговорил на пораките откако поминал обука во хуманитарна организација која се занимава со ментално здравје. Неговата сопруга му се придружи во волонтерската работа, на малку поинаков начин. За време на карантинот, таа честопати разговарала со другите родители за предизвиците со кои секојдневно се среќаваат.
Да потсетиме, откако информациите пристигнаа во јавноста дека принцот Хари морал да побара лекарска помош заради неговото ментално здравје, за истото потоа зборуваше и неговиот постар брат, принцот Вилијам. Додека неговиот помлад брат, наводно, се бори со посттрауматско стресно нарушување, тој има проблеми со анксиозност за време на јавен настап. И двајцата никогаш не криеја колку траума им остави трагичната смрт на нивната мајка, принцезата Дајана.