Највалканото место во канцеларијата е славината(умивалник-лавабо) во заедничката кујна, открива стручна студија на компанијата Кимберли-Кларк, која ја спроведе низ 4.800 примероци од канцелариски згради, вклучително правни фирми и осигурителни компании, здравствени компании, телефонски центри и производствени капацитети.
Користејќи уред кој ја мери АТП, молекула што може да се најде во сите животински, растителни, бактериски, габични и мувла клетки, научниците утврдиле дека многу канцелариски површини се толку валкани што можат да го загрозат здравјето на вработените.
Остатоците од храна и други органски материјали содржат големи количини АТП, и ако уредот чита повеќе од 100 единици АТП, тоа значи дека површината треба да се исчисти. Оние површини со повеќе од 300 АТП единици се „официјално“ валкани и им е потребно темелно чистење.
Во 75% од канцелариите, истражувачите пронајдоа повеќе од 300 единици АТП на славината, а во 48% од канцелариите, на вратите од микробрановите пронајдоа застрашувачко ниво на АТП.
Рачките на вратите од фрижидерот, тастатурите и копчињата за машини за продажба на кафе или храна се исто така меѓу највалканите места во канцеларијата.
„Луѓето се свесни за важноста на чистотата во тоалетот, но ги запоставуваат обичните области како места за ручек, кујни или простории за состаноци, каде се кријат многу повеќе бактерии и габи“, заклучи консултантот професор Чарлс Герба од Универзитетот во Аризона.