Го прекина молкот
Откако американскиот рапер Канје Вест во последните неколку дена предизвика лавина реакции во јавноста со упатување на многу обвинувања на сметка на сопругата, реалити ѕвездата Ким Кардашијан, како и нејзината мајка Крис Џенер, Ким конечно одлучи да се огласи по ова прашање.
Многумина од вас знаат дека Канје има биполарно нарушување. Секој што се бори со ова или има блиска личност што се бори, знае колку е неверојатно комплицирано и болно. Никогаш не сум зборувала јавно за тоа како тоа влијае врз нас затоа што сакам да ги штитам нашите деца и правото на Канје на приватност кога станува збор за неговото здравје. Денес, чувствувам потреба да коментирам затоа што има стигма и неразбирање на менталната болест “, започна Ким на објавата на својот инстаграм профил.
‘Оние кои ги разбираат менталните болести или компулсивното однесување, знаат дека семејството е беспомошно, освен ако не е малолетничк. Знам дека Канје е предмет на критика затоа што тој е јавна личност, а неговите постапки предизвикуваат силни емоции и мисли. Тој е генијална, но комплицирана личност, која под притисок да биде уметник со темна кожа, чувствува болка од губење на мајка си и се справува со притисокот на изолацијата засилен со неговото биполарно нарушување. Оние што се блиски со него, ја знаат неговата душа и разбираат дека неговите зборови понекогаш не одговараат на неговите намери “, продолжи реалити ѕвездата.
‘Тоа што живее со биполарно растројство не ги намалува неговите соништа и креативност, без оглед колку на другите им изгледаат големи и неостварливи. Тоа е дел од неговата генијалност за која сме сведоци, многу од неговите соништа се остварија “, напиша Ким и конечно ги замоли медиумите и јавноста за разбирање во овие предизвикувачки моменти за целото нивно семејство.