Кејт и Вилијам испишуваат историја: Не е ни чудно што се омилени членови во кралското семејство!

Принцот Вилијам и неговата сопруга Кејт пристигнаа во Единбург во понеделникот на почетокот на турнејата со воз низ Велика Британија, за време на која ќе им се заблагодарат на работниците од фронтот, вработените во домовите за стари лица и наставниците за нивните несебични напори во борбата против пандемијата на коронавирус.

Како дел од тридневното патување со Кралскиот воз, Вилијам и Кејт ќе патуваат околу 2.100 километри низ Англија, Шкотска и Велс, а турнејата започна во неделата вечерта на лондонската станица Еустон, каде беа придружувани од велшката поп-sвезда Шакин Стивенс. Тој во живо го отпеа својот хит од осумдесеттите години „Среќен Божиќ на сите“.

„Војводата и војвотката со нетрпение очекуваат да го посочат неверојатниот придонес на работниците низ целата земја во текот на оваа тешка година“, се вели во соопштението на палатата Кенсингтон. Британија е најтешко погодената земја од ковид 19 во Европа со повеќе од 60 000 потврдени смртни случаи.