Созревањето беше тешко за британската манекенка и актерка, зад чиј фраерски став се криела несигурност и борба со самата себе: како тинејџерка ѝ било тешко да се помири со фактот дека подеднакво ѝ се допаѓаат жени. Покрај тоа, таа била згрозена од помислата дека може да заврши во врска со личност од ист пол, пренесува Gloria.
Самоуверена, убава и успешна – најчестите епитети кои ја дефинираат британската манекенка и актерка Кара Делевињ, чии изразени веѓи и продорен поглед станаа дел од популарната култура. Уште кога се појави на модните писти, таа имаше „фраерски“ став и остави впечаток на решителна жена која знае како да се справи во секоја ситуација – како Лорел, улогата во акциониот SF филм „Valerian and the City of a Thousand Planets“ што таа ja играше. Но, во интервју со Гвинет Палтроу во нејзиниот подкаст „The Goop Lab“ емитувана од британскиот Дејли мејл, таа раскажа изненадувачка приказна за себе, неспоива со сликата што ја имаме за неа.
„Се борев со тешка депресија и самоубиствени мисли додека растев и како тинејџер, бидејќи не можев да прифатам дека и мене ми се допаѓаат жени“ – рече манекенката која ретко зборува за нејзините љубови, а уште помалку коментира за нејзиното интимно определување, па отвореноста кон Гвинет Палтроу остави многумина без текст.
„Јас пораснав во старомодно семејство, не познавав никого кој е геј. Јас дури и не знаев дека постои. Ми се гадеше од помислата дека можам да бидам со партнер од ист пол, несвесна дека сум всушност хомофобична – изјави моделот со аристократски корени, кој своето детство го помина во резидентната област Белгравија, недалеку од Бакингемската палата . Нејзината мајка Пандора и таткото Чарлс Делевињ, основач на компанија чија основна дејност е трговија со недвижнини, се членови на високо британско општество што Царот го ограничуваше додека растеше.
Пред да започне да се забавува со жени, таа беше во врска со музичарите Jake Bugg и Harry Styles. Долго се бореше со себе, свесна дека во неа има и андрогена Кара, но тоа го потиснуваше сè додека не се соочи со депресија и почна да размислува за самоубиство.
„Бев несреќна затоа што не бев искрена со себе. Јас сум андрогена личност и не се вклопувам во калапот. Сакам да бидам жена и да се средувам, но сакам да бидам и грубо момче – вели таа, откривајќи дека не и било лесно да одлучи дали ќе и се придружи на нејзината постара сестра Попи на модните писти или ќе го продолжи образованието во елитното женско училиште Francis Holland School, добро ќе се омажи и вклопи во својот сталеж.
На крајот таа го слушаше бунтовниот глас во себе што ја однесе во светот на модата, а подоцна и на филмот. Таа исто така ги реши и интимните сомнежи: во 2018 година на лондонскиот аеродром Хитроу ја бакна тогашната девојка Ешли Бенсон, актерка од серијата „Pretty Little Liars“, по што сите престанаа да ја прашуваат дали е геј.
Но, девојките раскинаа минатата година, а Кара неодамна се поврзува со младиот актер Џејден Смит, син на Вил Смит, но и со манекенката Каја Гербер, ќерка на Синди Крафорд.
Но, таа не се изјаснува. Ни Гвинет Палтроу не успеа да „извади“ со кого била во врска.
- Се заљубувам во личност, без оглед како е дефинирана. Тие ме привлекуваат и тоа е тоа. Сакам да бидам флуидна за тоа. Јас сум пансексуалец – заклучува моделот.