За вечниот заводник Лени Кравиц, жените не престануваат да воздивнуваат дури и во шестата деценија од животот, а овие денови сите зујат за неговото извајано торзо. Славниот музичар сподели фотографија без маица и остави без здив половина милион обожаватели, но и момци кои не можат да не бидат изненадени што изгледа толку добро. Сепак, најголемо внимание привлече реакцијата на неговата поранешна девојка – супермоделот Наоми Кембел.
Легендарниот музичар Лени Кравиц за два месеци ќе го прослави својот 57-ми роденден, но благодарение на неговиот младешки изглед и фигура, малкумина навистина би му ја припишале таа бројка.
Поради пандемијата на коронавирусот, американскиот кантавтор прави пауза од настапи, па слободното време го користи за полнење на батериите и тренирање – барем судејќи според последната фотографија што ја објави.
Миленикот за славните убавици ја скокотка фантазијата на половина милион обожаватели со своето голо торзо и божествените стомачни, а ниту жените, ниту момците не можат да поверуваат дека изгледа толку добро во шестата деценија од животот.
„Мојата цел е да бидам како тебе“, „Како сè уште изгледаш вака“, „Ти благодарам за оваа фотографија“, „Какво тело“, „Дали старееш воопшто“, беа само некои од коментарите, а се огласи и неговата поранешна девојка Наоми Кембел.
„Боже имај милост. Благословен си“, напиша британскиот модел и претприемач кој му го украде срцето во 2016 година, но тие вешто ги криеја деталите за нивната врска од очите на љубопитните.
Покрај „Црниот пантер“, Лени Кравиц ги љубеше и холивудската омилена Никол Кидман, манекенката Адријана Лима, пејачката Ванеса Паради и актерката Лиза Бонет, со која беше во брак од 1987 до 1993 година и ја има ќерката Зое Кравиц, која млада тргна по стапките на мајка си..
