Маркл многу потешко да ја поднесува втората бременост отколку првата. Пред доаѓањето на девојчето, тие се обидуваат да му се посветат на својот син Арчи, кој едвај чека да стане постар брат
Војвотката од Сасекс, Меган Маркл (39) наскоро треба да роди второ дете, а сега странските медиуми објавија дека има „компликации во бременоста“ и дека воопшто не и е лесно. Со нејзиниот сопруг, принцот Хари (36), чекаат девојче, а оваа бременост и е многу потешка од првата.
– Меган не спие, многу и е мачно и поради тоа мораше да откаже неколку состаноци. Не оди сè глатко како првата бременост – изјави извор за InTouch Weekly.
Поранешната актерка веќе го има синот Арчи (2) и оваа година ја информираа јавноста на Денот на вљубените дека добиваат засилувања во семејството. Семејството се пресели во Калифорнија во март 2020 година и откако ги напуштија кралските обврски и должности, од Велика Британија заминаа за Канада. Нивната точна адреса беше откриена, а Хари веќе не беше под заштита, па затоа решија да заминат во Америка.
Двојката многу се труди да му посвети што е можно повеќе време на својот син пред да пристигне ќерката.
– Тие одат на прошетки заедно и на плажа и поминуваат време во прекрасната градина. Арчи обожава да плива затоа често е во базенот. Хари едвај чека да го научи да плива летово. Арчи е нетрпелив и сака да ја запознае својата сестра и сака да ги става рацете на стомакот на мама. Тој е многу грижлив и напреден за својата возраст – изјави извор за странските медиуми.
Пристигнувањето на девојчето го открија во интервјуто за Опра Винфри (67) во март годинава.