Неодамнешни студии откриваат дека 20 проценти од децата и шест проценти од возрасните често зборуваат во сон, но дали ја знаете причината, т.е. зошто зборуваме во сон?
Деидра Барет, психолог и долгогодишен истражувач на соништата на Медицинскиот факултет Харвард, вели дека сонувачите од време на време може да опишат интензивна, важна работа во нивните животи, но ова често се меша со глупости што го отежнуваат разликувањето на имагинацијата од реалноста.
– Идејата дека некое лице секогаш ќе ја кажува вистината во сон, дефинитивно не е така, вели Берет.
Наместо тоа, таа нагласува дека зборувањето во сон не треба да загрижува, дури и ако се чини вознемирувачки или исплашено.
Работите што луѓето ги кажуваат во голема мера зависат од тоа во која фаза на сон се наоѓаат.
Барет ја опишува постепената прогресија во текот на четирите фази на не-РЕМ сон, кои преминуваат од примарно мрморечки звуци и едноставни зборови во најдлабокиот сон од четвртата фаза, до едноставни фрази во третата фаза и, конечно, сложени реченици што се појавуваат во втората фаза
Но, магијата се случува за време на РЕМ сонот.
„Во РЕМ, слушате сè што можете да замислите“, вели Берет. Често во форма на монолози или разговори. Тоа често се шеги, смеа, плачење, пеење.
Во една неодамнешна студија која се занимава со јазични карактеристики, истражувачите го анализирале јазикот на 232 луѓе кои зборувале во сон и откриле дека речениците истовремено ја следат комплексноста на будност и следат граматички правила.
Во однос на она што луѓето го кажуваа, студијата откри дека најпопуларниот збор за време на спиењето е „не“ или варијација на истиот.
Пцовките беа уште еден популарен избор, се појавуваа многу почесто ноќе отколку во дневен сон.
Авторите сугерираат дека голема количина негативна содржина во разговорот за време на спиењето може да ја рефлектира негативната ментална содржина на соништата во мозокот на лицето што спие.
Читателите на Reddit ги споделија најсмешните, најнеобичните работи што некогаш ги кажале или слушнале некој друг да зборува во сон.
– Мојата осумгодишна ќерка се преврте во креветот и рече: „мммммм“ сакам пица. И пиво.
– Еден пријател еднаш ми рече дека во сон зборував за тоа колку е голем Бенџамин Френклин и неколку пати го нарекував „крал на змејовите“.
– Мајка ми во сон ми рече: „Не оди на таа забава, тие имаат шпагети. Ќе ти го уништи автомобилот “.