Слушањето музика додека трчате може да ја подобри издржливоста кога ќе се чувствувате ментално уморни.
Ова го покажа студија на Универзитетот во Единбург. Истражувачите откриле дека луѓето кои слушале музика во моментите на истоштеност ги имаат истите резултати како и оние кои не биле уморни.
Испитаниците завршиле получасовен когнитивен тест на компјутер кој ги довел во состојба на ментален замор пред да одат на рекреација. Потоа ги тестирале кога трчале додека ги слушале нивните омилени мелодии и ги споредија резултатите со оние спроведени без музика и когнитивна задача.
Тркачите биле уморни, но некои добиле музика, додека други не.
Во интервалното трчање, резултатите биле подобри во моментите на ментален замор при слушање музика отколку кога не слушале. Слично било и кога трчале пет километри.
„Резултатите покажуваат дека слушањето мотивациска музика може да биде корисна стратегија што им помага на активните луѓе да ја подобрат издржливоста додека трчаат кога се ментално уморни“ – велат истражувачите од Универзитетот во Единбург.