Холандските мајстори за своето ремек-дело користеле дури 4,8 тони посебен вид песок кој содржи 10% глина со цел подобро да се залепи
Околу 4,8 тони песок беа искористени за да се создаде ова ремек-дело во рибарско село во Данска. Следејќи го примерот на пирамидите, уметниците го направиле највисокиот замок од песок, висок 21,16 метри.
Скулптурата, која беше поставена како дел од фестивалот на песочни замоци во Блокус, на северозападот од Данска, собори нов светски рекорд, пренесуваат локалните медиуми.
Тимот мајстори кои учествуваа во изградбата на замокот беше предводен од холандскиот дизајнер Вилфред Штигер. Тие успејаа да го соборат претходниот рекорд поставен во 2019 година во Германија. Тој замок бил висок 17,66 метри и е за 3,5 метри понизок од холандскиот.
Холандските мајстори за своето ремек-дело користеле дури 4,8 тони посебен вид песок, кој содржи 10% глина за подобро да се залепи.
Кога се обликува талогот од песок, се додава уште еден слој на лепак за да биде поцврст и да трае подолго.
Како и другите замоци со слична големина, тој е направен во форма на пирамида за да се избегне рушење. Замокот е украсен со морски мотиви во форма на чамци, риби и светилници. Замокот оваа година содржи и слика на корона вирусот, која симболично е поставена на врвот на пирамидата. Идејата на скулпторот била да ја искористи оваа бројка за да ги потсети набљудувачите на смртоносниот вирус што ја пустоши Земјата и да не им дозволува на луѓето да живеат нормално, пишува Спутник њус.
Фестивалот на песочни замоци, кој се одржува секоја година во Блокус, привлекува голем број туристи кои доаѓаат од различни делови на светот да уживаат во фантастичниот поглед.