При одржувањето на оралната хигиена најважно е редовното четкање на забите, но и плакнењето на усната шуплина, со цел да се отстранат насобраните бактерии, кои се главната причина за лошиот здив.
Ако сакате да ги избегнете непријатните води за миење на устата, подгответе го овој пијалок што ќе ви даде ефикасен резултат.
Зелените листови магдонос имаат силна и свежа арома, а нивната интензивна зелена боја, што укажува на изобилство на хлорофил, е најдобриот природен борец против лошиот здив затоа што има антибактериски својства.
Чај од магдонос
Состојки: половина грст свеж магдонос и ½ литар вода
Подготовка: Ставете половина литар вода во тенџере и додадете го исецканиот магдонос, па варете околу пет минути. Потоа исцедете го пијалокот, изладете го и консумирајте го после секој оброк.
