Еве неколку совети како полесно да ги преживеете овие жешки денови:
1. На граѓаните им се препорачува да го ладат своето тело и да пијат доволно течности бидејќи со потењето се губи повеќе течност, што доведува до дехидрација. Се препорачува да пиете негазирана вода, како и нискокалорични пијалоци без кофеин, алкохол и шеќер.
2. Треба да се избегнува престој на сонце меѓу 10 и 17 часот, особено децата, бремените жени, старите лица, срцевите пациенти и пациентите со хронични заболувања, додека луѓето кои работат на отворено треба почесто да одмараат, да се засолнуваат во сенка и да пијат течности секои 30 минути.
3. Во најтоплиот дел од денот, треба да избегнувате излегување на отворено и физичка работа.
4. Се препорачува и редовно користење на производи со заштитен фактор.
5. Граѓаните треба да носат лесна облека од природни материјали и да ја штитат главата од сонцето.
6. Просторот во кој живеат треба да се лади со користење на поладен ноќен воздух. Во текот на денот, треба да се затворат прозорците и да се спуштат ролетните и да се исклучат што повеќе електрични уреди во куќата.
7. Особено се предупредува дека децата и животните не смеат да се оставаат во паркирано возило.