Предлог за ручек! Разновидно, избалансирано, шарено… Ароматично пилешко со топла зимска салата која се подготвува за само половина час. Уживајте!
Состојки:
две третини чаша брокула
две третини чаша карфиол
20 мл вода
15 мл сок од лимон
лук во прав
оригано
прстофат шеќер
морска сол
15 гр маслинки без семки
2 сушени домати
250 гр пилешко месо со кожа по избор
За маринадата:
лажица маслиново масло
лажичка сенф
лажичка мед
морска сол
половина лажичка кари
сок од една четвртина лимон
плус чили пиперчиња
Подготовка:
Брокулата и карфиолот кратко сварете ги додека не омекнат и исцедете. Во голем сад измешајте ги сокот од лимон, маслото, лукот во прав, ориганото, шеќерот и солта. Додадете го зеленчукот во садот и измешајте се заедно. Оставете ги вкусовите да се измешаат 20 минути (покриени на собна температура) со повремено мешање. Непосредно пред јадењето, додадете ги доматите и маслинките. Пржете го месото што претходно било оставено во маринадата во тава за скара или тефлон. Посипете со чили пиперки по вкус и сервирајте со топлата салата.
Пријатно!