Разводот и „раскинувањето“ на долгите емоционални врски стануваат се почести, а брачните експерти тврдат дека главните причини се недостатокот на трпение и неможноста да се поврзат едни со други.
„Многу парови можат да ги искористат предностите на нивните фрустрирани емоционални потреби и да се мотивираат да се поврзат побрзо. Потребно е само да се искористи енергијата што ја трошат на фрустрации за продлабочување на врската и физичката интимност, но и подобрување на комуникациските вештини“ – вели Дејвид Акива, советник и педагог за брак.
Тој ги набројува трите најчести причини за развод:
- Брачниот другар е повеќе пријател отколку љубовник
Според него, ова е важен показател дека сеуште сте заљубени.
- Паровите кои се заедно долго време често ја наведуваат оваа причина како тајна на среќна врска – вели Акива.
Повеќето луѓе мислат дека заљубувањето мора секогаш да биде страсно и опојно како на почетокот на врската. Но, тоа е само романтична фаза.
„По првите неколку месеци до една година, сосема е нормално оваа фаза да исчезне и да започне фазата на пријателство“ – објаснува Акива.
- Мала или никаква интимност
Според него, ако сакате да ги вратите интимните односи во брак, прво мора да ја вратите љубовта, ако таа исчезнала. И за тоа, важно е да сте најдобри пријатели во здрав брак.
„Истражувањата покажуваат дека емоционалната интимност е клучот за исполнување за жените. Истражувачите кои стојат зад студијата открија дека љубовта ја прави физичката интимност попријатна за жените, па оние кои ги сакале своите партнери, рекле дека немаат проблем во интимните врски“ – пренесува Акива.
Тој советува дека е најпрво важно да се „поправи“ емоционалната врска, така што интимниот живот на партнерот ќе стане подобар.
- Недостаток на здрава комуникација
Има луѓе кои најчесто се караат во бракот, а кога кулминираат конфликтите, доаѓа до развод.
„Кога ќе научите правилно да се изразувате и да ги прифаќате емоционалните потреби еден на друг, расправиите и другите негативни однесувања во врските ќе исчезнат“ – вели Акива.