Во последно време сме под стрес повеќе од порано, и бараме начини да го насочиме стресот и да ја одржиме позитивната енергија колку што е можно повеќе. Постои и одредена храна која, според експертите, може да ни помогне да се чувствуваме подобро.
Лосос
„Покрај тоа што помагаат во борбата против депресијата, студиите покажаа дека овие здрави масти се особено корисни во борбата против анксиозноста“, објаснува Џои Баер, автор на книгата „Суперхрана“.
Омега-3 помогна да се намали воспалението и вознемиреноста за 20 проценти кај помладите возрасни лица кои доживеаја секојдневен стрес, за кој се знае дека предизвикува вознемиреност. Мрсната риба е исто така богата со витамин Д. Ниското ниво на витамин Д е поврзано со депресија.
Чај од камилица
Докажано е дека камилицата делува како благ седатив и може да ја ублажи мускулната напнатост и да ја смири анксиозноста и раздразливоста. Камилицата е едно од најчесто користените и најпознатите лековити растенија во светот. Исто така е без кофеин, па можете да ja пиете пред спиење.
Наут
Тие се богати со триптофан, амино киселина што телото ја користи за производство на серотонин, хемикалии кои обезбедуваат добро чувство во мозокот. Истражувањата покажаа дека недостатокот на триптофан може да биде поврзан со вознемиреност.
Портокали
Портокалите се богати со витамин Ц, еден портокал содржи 70 милиграми од овој витамин, задоволувајќи ги речиси целодневните потреби. Познато е дека витаминот Ц помага да се зајакне имунитетот, а студиите исто така покажаа дека може да го ублажи стресот.