Витаминот Д е исклучително важен за здравјето на организмот, а најновите објавени студии покажуваат дека игра голема улога во одбраната на организмот од вирусни инфекции.
Одамна е познато дека неговото ниво кај многу луѓе е многу ниско, а еден симптом на оваа авитаминоза често се игнорира. Тоа е чувство кое се јавува во рацете и стапалата, а кое професионално се нарекува парестезија. Искуството вклучува трнење и „пецкање“ во прстите, а може да се прошири и на рацете и нозете. Во некои случаи, чувството е како топлината да се шири на тие делови од телото, па дури и како кожата да гори.
Треба да знаете дека витаминот Д контролира многу функции во телото, од срцето до мозокот. Во текот на летото, генерално успеваме да синтетизираме многу од овој витамин, благодарение на сончевата светлина. Меѓутоа, во зима главен извор на витамин Д е храната богата со него.
Од октомври до март, во исхраната треба да се вклучат масни риби, црн дроб, јајца (особено жолчки), како и храна збогатена со витамин Д.