Пејачката Селена Гомез на само 29 години навистина минала низ ужасни периоди во животот.
Славата ѝ донесе психички проблеми, па за време на светската турнеја ‘Revival’ мораше да откаже дел од концертите поради напади на паника и борба против депресијата, поради што неколку пати се повлекуваше од социјалните мрежи и се пријавуваше на клиниките за рехабилитација.
Тогаш ѝ беше дијагностициран лупус, хронична автоимуна болест, а за тоа колку е сериозна нејзината состојба доволно говори трансплантацијата на бубрег на која мораше да се подложи во 2017 година. Нејзиниот бубрег го донирала нејзината блиска пријателка Франсија Раиса.
Голем дел од нејзиниот живот го одбележа и канадскиот пејач Џастин Бибер. Оваа токсична врска траеше од 2010 година кога започна врската до 2018 година кога стана јасно дека пејачот ја замислува својата иднина со манекенката Хејли. Низ нивната врска, на самиот крај се испреплетуваа уште неколку луѓе, а тука се префрламе на поранешната двојка – манекенката Бела Хадид и пејачот The Weeknd.
За нив се шушкаше уште во 2015 година, а оттогаш неколку пати раскинуваа и повторно се смируваа. Се започна кога пред неколку години беа видени на фестивалот Coachellа, а потврдата за меѓусебната хемија многу брзо стигна во јавноста. Истата година, заедно заминаа на модната недела во Њујорк, каде што ја напуштија ревијата на Александар Ванг држејќи се за рака. Но, кон крајот на 2016 година, почнаа да кружат гласини дека парот раскинал.
И тогаш сите беа шокирани од информацијата дека The Weeknd е виден како се бакнува со Селена Гомез на почетокот на јануари 2017 година. Набргу потоа, Хадид ја отследи Гомез од Инстаграм, а потоа и Селена и The Weeknd неа. Но, дури и музичкиот пар не траеше премногу долго, а озборувањата што се случуваа во тоа време беа премногу комплицирани за следење. Имено, Селена тогаш наводно и се вратила на првата љубов Џастин Бибер, а The Weeknd повторно на Бела. Само две недели по раскинувањето со Селена, папараците го фотографираа музичарот како го напушта станот на Бела во Њујорк, што беше потврда за нивното повторно обединување.
На крајот на драмата, сите тие раскинаа со текот на времето. Моделот Хадид моментално е во врска со Марко Калман, Селена се шпекулира дека се гледа со Капетан Америка, Крис Еванс, The Weeknd наводно е вљубен во актерката Анџелина Џоли, а Бибер е во брак со манекенката Хејли Бибер.
Секој тргна по својот пат, но оваа четириаголна драма меѓу нив засекогаш ќе остане енигма.
