Легендарната актерка Џоан Колинс, веројатно најпозната на публиката како легендарниот Алексис од серијата Династија, ја претстави својата автобиографија наречена „My Unapologetic Diaries“ во која се присети на многу работи од нејзината богата кариера, вклучително и онаа што веројатно никого не изненадува: дека ги одбила флертувањата на холивудските моќници и затоа загубила улога.
Во интервју за Corriere Della Sera, таа откри дека станува збор за улогата на Клеопатра во филмот од 1963 година, кој потоа ѝ бил доделен на Елизабет Тејлор наместо неа.
Рекла и дека се одбранила од напаѓачи удирајќи ги со коленото во меѓуножјето.
„Бев една од првите феминистки кога тој збор сè уште не беше ништо навредлив. Сакав да бидам слободна како мажите“, вели Џоан.
Без влакна на јазикот, актерката коментираше и за многу познати личности, нарекувајќи го познатиот комичар Џеј Лено „еден од најмалку духовитите и најнепривлечни луѓе во Америка“, а поранешниот американски претседател Доналд Трамп „глупав селанец“.
За актерката Џенифер Анистон рече дека ја има „најтенката рака што некогаш ја видела“, а за Кара Делевињ, на која Џоан инаку и е кума, дека е „многу слободна девојка“.
За еден познат пар, сепак, одби да коментира – принцот Хари и Меган Маркл.
„Мислам дека и онака добиваат доволно внимание“, рече таа.
Таа го спомна и нејзиниот сегашен (вкупно петти) сопруг, 56-годишниот Перси Гибонс, кој е дури 32 години помлад од неа.
„Не можам да си го замислам животот без него. Тој го одржува семејството заедно. Фала му на Бога што се омажив за 30 години помлад маж, не можев да поднесам да имам сопруг на моја возраст“, заклучила таа.