Меѓународното здружение за сексуална медицина ја дефинира алергијата на секс како состојба која е почеста кај жените
Да, можно е да сте алергични на секс, а вистинската причина за оваа алергија е спермата. Меѓународното здружение за сексуална медицина ја дефинира алергијата на секс како состојба која е почеста кај жените и може погрешно да се дијагностицира како вагинитис, габична инфекција или сексуално пренослива болест.
Техничкото име е преосетливост на плазмата на спермата и всушност е реакција на протеините во плазмата.
Препознајте ги седумте сигнали за алергија на секс!
Пече
Алергијата на секс може да се манифестира веднаш штом партнерот ќе ејакулира, а жената ќе почувствува пецкање, црвенило и оток или дури и плускавци, објаснува гинекологот Шери Рос.
Чешање
Ќе забележите и чешање и веројатно ќе помислите на габична инфекција, но доколку нема придружен симптом во вид на секрет, а чешањето не се јавува постојано, туку само после сексуалниот однос, можно е да сте алергични.
Се случува само со сегашниот партнер
Сексуална алергија е алергија на протеините во плазмата на спермата на одреден партнер, па ако непријатни симптоми имате само со новиот партнер, тоа може да биде знак дека сте алергични.
Симптомите се јавуваат само при незаштитен однос
Иако постои алергија и на латекс и на кондоми, овие проблеми ќе се појават само кога не користите заштита бидејќи „проблематичната“ плазма доаѓа во контакт со слузокожата на вагината.
Имате осип
Алергијата понекогаш не останува локализирана во интимната регија, туку може да се прошири до осип на целата кожа.
Тешко дишете
Не како „сте се задишале“ по страсниот однос, туку „нешто дефинитивно не е во ред“. Иако никогаш не е забележана фатална реакција на оваа алергија, посетете лекар доколку имате проблеми со дишењето кои ве загрижуваат.
Проблем е и оралниот секс
Болка, оток, чешање, црвенило и појава на плускавци во устата по орален секс се огромни предупредувачки знаци. Пријавете го овој проблем кај вашиот лекар или гинеколог, особено ако се обидувате да останете бремени.