Во никој случај не треба да ги игнорирате овие симптоми
Иако високиот крвен притисок е огромен проблем за многу луѓе, и нискиот крвен притисок не треба да се занемари.
Хипотензијата или нискиот крвен притисок може да биде прилично незгодна бидејќи го исцрпува телото и ги попречува секојдневните активности.
Тоа не е толку опасна како високиот крвен притисок, но дефинитивно треба на некој начин да си ги ублажите проблемите.
Систолниот (горниот) притисок е она што срцето го создава кога пумпа крв низ артериите.
Дијатолен (долниот) притисок е кога срцето мирува помеѓу два отчукувања. Нормалните вредности на горниот притисок се од 115 до 120 mmHg, а долните од 75 до 80 mmHg.
Вредноста од 90/60 mmHg генерално се смета за низок крвен притисок, иако многумина не чувствуваат никакви симптоми.
Крвниот притисок секогаш варира, а работите од кои зависи се положбата на телото, ритамот на дишењето, храната, пијалоците, лековите и стресот.
Симптоми на низок крвен притисок
Симптомите на нискиот крвен притисок вклучуваат главоболка, слабост, гадење, вртоглавица, нарушена концентрација, заматен вид, брзо и плитко дишење, студена и бледа кожа и жед. Покрај хроничниот крвен притисок, вашиот крвен притисок може нагло да падне.
Ова се случува кога горниот притисок ќе падне од 110 на 90, кога може да почувствувате блага вртоглавица или краткотрајна несвестица бидејќи на мозокот наеднаш му снемува кислород.
Многу луѓе го поднесуваат нискиот крвен притисок без некоја поголема непријатност. Доколку имате вообичаено ниски вредности на висок и низок крвен притисок, доволни се повремени прегледи кај лекар.
Во случај нискиот крвен притисок да ви го наруши секојдневието, консултирајте се со лекар за да го подобрите квалитетот на вашиот живот, но и затоа што е можно да се крие сериозна здравствена состојба и проблем зад нискиот притисок.
Нискиот крвен притисок може да биде резултат на неколку здравствени состојби, од банални до сериозни:
- Дехидратација која доведува до низок крвен притисок бидејќи поради намаленото количество течност се намалува и волуменот на циркулирачката крв
- Бременост, како што се шири васкуларниот систем кај жените, крвниот притисок има тенденција да се намалува
- Хормонално нарушување, кога тироидната жлезда лачи повеќе или помалку хормони
- Срцеви проблеми како што се бавен пулс, срцев удар или срцева слабост што исто така може да доведе до низок крвен притисок
Како да ги ублажите тегобите?
Доколку причината за нискиот крвен притисок е непозната или немате специфична терапија, се препорачува секојдневно да земате што повеќе вода, билни чаеви и сокови за зголемување на крвниот притисок.
Избегнувајте обилни оброци, особено оние богати со јаглехидрати. Јадете повеќе помали, разновидни оброци.
Вклучете овошје и зеленчук, пецива од интегрално брашно, риба, пилешко и мисиркино месо во менито.
Со низок крвен притисок, лекарите препорачуваат и редовно вежбање. Корисни се пешачење, пливање, возење велосипед и други аеробни вежби. Избегнувајте вежби со нагли промени во положбата на телото и оние во кои главата е под нивото на срцето.