Јаболковиот оцет има бројни примени во служба на негата.
Повеќето жени сакаат долга, сјајна и мека коса. Сепак, ова тројство не е толку лесно да се постигне. Особено за време на студените денови. Овде се свртуваме кон различни третмани и производи кои можат уште повеќе да ја исушат вашата коса.
Можеби е вистинско време да се свртите кон производите од домот, односно кујната. Јаболковиот оцет има бројни примени, а една од нив е во служба на косата.
Маска за коса со јаболков оцет
Состојки:
1 лажица јаболков оцет
1 шолја вода
Постапка:
Разредете го јаболковиот оцет во чаша вода и оставете го во некое шишенце. Измијте ја косата со благ шампон. По регенераторот (ако го користите), полијте ја косата со разредениот јаболков оцет. Не ја плакнете косата дополнително.
Оваа постапка можете да ја повторувате еднаш неделно. Третманот помага да се ослободите од маснотијата, нечистотијата и наслагите од косата. Ја чисти косата без употреба на силни хемикалии, оставајќи ја мека и свиленкаста.