Намирниците што ви се потребни за оваа рутина за убавина ги имате во кујната.
Доколку имате проблеми со сува и испукана кожа на рацете или тенки и кршливи нокти, направете ги овие едноставни препарати од намирниците кои секако ги имате во кујната.
Суви и испукани раце
Мешавината од маслиново масло и сок од лимон е идеална за суви и испукани раце. Навечер пред спиење, намачкајте ги рацете со оваа смеса и облечете памучни ракавици за маслото да делува во текот на ноќта.
Пилинг за нега на нокти
За домашен пилинг измешајте една лажица маслиново и рицинусово масло со една лажичка мед и половина шолја мелени ореви. Измасирајте го пилингот на ноктите и рацете, па по десет минути исплакнете го со топла вода и нанесете мрсна крема или вазелин.
Ноктите ја губат хидратацијата многу побрзо од кожата, па затоа е неопходно да го подготвувате овој домашен пилинг еднаш или двапати неделно за да ги зацврстите вашите нокти.
Купка која ги негува рацете
Измешајте една лажица камилица и еден литар топла вода. Кога малку ќе се олади, потопете ги рацете во сад и држете ги 15-20 минути, а потоа нежно избришете ги со крпа.