Иако не постои точен датум или временско ограничување за поставување на елката, експертите имаат неколку совети кои можат да ви помогнат да донесете одлука.
Традиционално, новогодишната елка не била поставувана и украсувана пред 31 декември, но многумина ја украсуваат елката 12 дена пред Нова година, а во некои земји е вообичаено да се постави на 6 декември во чест на Свети Никола.
Од друга страна, експертите советуваат елката да не се поставува многу порано, туку една до две недели пред Нова година, за да не ги изгуби сите иглички и да не се исуши.
Луѓето кои ги одгледуваат не се согласуваат со ова мислење и тврдат дека е најдобро да се земаат елките што е можно порано бидејќи се сечат во средината на ноември и подобро е што поскоро да се стават во вода.
Се разбира, ако користите пластична елка, можете да ја поставите и порано.
Меѓутоа, ако мислите дека пластичната елка е подобар избор, токму поради избегнување на горенаведените проблеми, се лажете.
Повеќето пластични новогодишни елки доаѓаат од Кина и поради долгиот пат кој треба да го поминат до нашите домови, тие воопшто не се добри за човековата околина. Во исто време, вистинската елка ослободува кислород и апсорбира јаглерод диоксид.
