Глумицата Зендаја се појави на настан во куќата на Сириус XM за промовирање на претстојното продолжение на „Спајдермен“.
Таа за оваа пригода реши да облече многу впечатлив розов костум кој го истакна нејзиниот тен и со тоа во преден план ја стави нејзината убавина. Таа носеше сако и панталони кои беа малку предимензионирани и воопшто не ја истакнуваа провокативноста.
Сакото е со темни копчиња, а судејќи по фотографиите на актерката, под него таа не носеше ништо, но повторно успеа да оддаде минималистичка и пристојна енергија. Костимот што го носи е од пролетната колекција за 2022 година на модната куќа Александар Меквин.
На сето тоа додаде темни чевли кои одлично се вклопуваат со бојата на копчињата на нејзината јакна и дополнително го истакна свечениот стајлинг. Чевлите се од модниот бренд Christian Louboutin.
На сето тоа таа додаде прстен Булгари како и обетки од Џенифер Фишер.
Како ви се допаѓа нејзиниот стајлинг?
