Познатата Синди Крафорд е една од најуспешните манекенки во светот и својата кариера ја изгради во златното доба на супермоделите. Денес, нејзината ќерка уште еднаш покажува дека јаболкото не паѓа далеку од дрво.
20-годишната Каја Гербер веќе почна да се пробива во светот на модата, сите предвидуваат успешна кариера, но ништо од ова не е изненадувачки кога нејзината мајка е убавица на сите времиња која мамела воздишки и ги освоила срцата на сите што гледале во неа.
И иако неодамна се појави под ѕвезденото небо, Каја веќе стана мета на озборувања кога е во прашање нејзиниот љубовен живот. Имено, во 2019 година таа беше поврзана со колегата, моделот Велингтон Грант, откако папараците ги фотографираа заедно на Денот на вљубените, а потоа многупати подоцна како се шетаат држејќи се за раце.
Сепак, истата година, убавицата беше поврзана со маж кој ги освојува познатите жени иако никој не разбира како. Комичарот Пит Дејвидсон остана во нејзиниот живот до следната година, а потоа по неколку месеци гледање со неа во јануари 2020 година, раскинаа.
Манекенката не чекаше долго и брзо најде нов интерес – австралискиот актер Џејкоб Елорди, кој некогаш го поврзуваа со Зендаја. Сепак, никому во моментов не му е јасно дали парот раскина, но Каја е повторно видена со нов маж за кој се сомнева дека е нејзин потенцијален дечко.
Имено, таа моментално ги поминува божиќните празници во сончевиот и жежок Лос Кабос во Мексико, а друштво и прават нејзината мајка и пријателите. Сепак најголемо внимание привлече непознатиот маж кој беше со неа.
Но, без разлика на него, шоуто го украдоа мама и ќерката кои се сончаат на лежалки, а нивните празнични фотографии погледнете ги во нашата галерија.
